Tripsi i serrave

Është i përhapur me tepër në zonat e ngrohta të vendit tone. Prek agrumet, pemët frutore dhe bimët e tjera bujqësore e zbukuruese. Duke thithur lëngjet dëmton lulet, gjethet, lastarët dhe frutat.

Gjethet dhe frutat në vendet e dëmtuara marrin ngjyre të verdhe të zbehte. Përveç demit direkt shkakton edhe dem indirekt pasi me ekskrementet e tij që bien mbi sipërfaqen përvetuese të pjesëve të gjelbra të bimës, pengon përvetimin dhe shpërvetimin normal. Prek mbi 45 specie të ndryshme bimësh subtropikale: agrumet, hurmat, avokadon, hardhinë, dafinën etj.

Përshkrimi

Është i gjate 1.5 mm, trupin e ka të zi, me përjashtim të dy segmenteve të fundit të barkut të cilët kane ngjyre kafe ose ndryshku. Krahët janë të verdhe, ndërsa këmbët dhe antenat pjesërisht të verdha.

Krahët janë të ngushte dhe të zgjeruar në baze. Antenat janë të përbëra prej 8 unazash. Larva është e bardhe ose e verdhe, në varësi nga zhvillimi sytë i ka të kuq.

Mënyra e jetesës

Dimëron si insekt i rritur. Në pranvere del nga dimërimi dhe kalon në anën e poshtme të gjetheve ku për një kohe ushqehet me limfën e gjethes dhe pastaj femra e fekonduar vendos vezët (rreth 30 cope). Çelja e larvave fillon zakonisht nga fundi i Prillit-fillimi i Majit, kur temp. mesatare ditore arrin rreth 15°C.

Kushte higrotermike optimale për zhvillimin e të gjitha stadeve të zhvillimit të tripsit janë: temp. e ajrit 25-30°C dhe lagështia relative e ajrit 80-85 %. Ka 3-5 brezni në vit. Larvat dhe insektet e rritur duke thithur lëngjet shkaktojnë skuqjen e gjetheve dhe me vone tharjen e tyre. Mbi sipërfaqen e frutave të limonit, qitros etj, shkakton pulla të kuqe dhe të çara të holla.
 

Të fundit

Ju rekomandojmë

Qashqai+2 4x4 për ferma

Menaxherët e shitjes në “Anglian Water”, të cilët vizitojnë fermat gjithandej Britanisë, prej tani do të udhëtojnë me...

Dobitë nga uthulla e mollës

Uthulla e mollës e ul shtypjen e lartë të gjakut, ndihmon me rastin e sëmundjeve të fytit, tretjes së çrregulluar, ...

Mbështetësit

Partnerët