Agro Kartela

Problemet e kafshëve pas vërshimeve

Vërshimet mund të rezultojnë në probleme afatshkurtra dhe afatgjata të sëmundjeve të kafshëve. Shumë probleme ndërlidhen me dëmtime fizike, për shembull, probleme me këmbë pas qëndrimit në ujë, ushqim të pamjaftueshëm, por edhe me sëmundje infektive.

Ushqimi

Gjatë vërshimeve, mirëqenia e kafshëve është një brengë urgjente, ndërkaq ushqimi i tyre është faktor kryesor. Ushqimi i kafshëve të bllokuara është qenësor, e në veçanti kur ato është dashur të notojnë për ta shpëtuar veten e tyre, dhe kur kanë shpenzuar energji të madhe për ta bërë këtë. Shumë prej këtyre kafshëve do të mbesin pa rezerva, ndërkaq kafshët shtatzëna në veçanti do të kenë probleme të menjëhershme me metabolizëm dhe të ngordhin nëse nuk ushqehen si duhet.

Sana e kualitetit të mirë është ushqimi i preferuar, pasi që tretja e ushqimit të thatë gjeneron nxehtësi që u ndihmon kafshëve të qëndrojnë të ngrohta, në veçanti nëse ato ende janë duke qëndruar në ujë. Hipotermia (temperatura e ultë e trupit) mund të zhvillohet me shpejtësi tek bagëtitë që qëndrojnë në ujë, edhe gjatë stinës së verës. Duhet të bëhet çdo përpjekje për largimin e bagëtive në ndonjë zonë që është më e lartë dhe e thatë.

Nëse bagëtitë duhet të qëndrojnë për një kohë të gjatë në ujë dhe si pasojë ato nuk mund të ushqehen si duhet, mirëqenia bëhet brenga kryesore dhe do të ju duhet të organizoni shkatërrim të njerëzishëm. Me largimin e vërshimeve, fillojnë të shfaqen probleme tjera shëndetësore për bagëtinë.

Cilësia e ujit

Duhet të keni kujdes se, pavarësisht se janë të bllokuara, bagëtitë mund të refuzojnë të pinë ujin e vërshimeve nëse ai është i ndotur apo ka shije tjetër nga uji i zakonshëm. Kur e ushqeni bagëtinë, shikojini me kujdes për tu siguruar që kanë pirë edhe ujë.

Ndonëse pendat e mbushura plotë shpesh janë lehtësim, vërshimet mund të derdhin baltë dhe material organik nëpër përrenj dhe rezervuarë të ujit. Prandaj, keni kujdes se ku i jepni ujë bagëtisë.

Sëmundjet bakteriale

Shumica e baktereve lulëzojnë dhe shumëzohen në ambiente me lagështi, andaj sëmundjet bakteriale mund të shndërrohen në probleme të vërteta pas shirave të mëdhenj. Gjasat janë shumë të mëdha për tu shfaqur Pneumonia tek kafshët, veçanërisht nëse ato janë zhvendosur nga një vend në një vend tjetër përmes vërshimeve dhe kanë futur ujë në mushkëri.

Edhe sëmundja Salmonelloza mund të shfaqet si pasojë e stresit dhe ekspozimit në të ftohtë për një kohë të gjatë.

Dëmtimet e tokës nga vërshimet mund të ekspozojnë baktere të fjetura dhe të rezultojnë në shfaqjen e shumë sëmundjeve të cilat shihen rrallë në sezone të thara. Vaksinimi me 6-në-1 është shumë i rëndësishëm pas vërshimeve.

Edhe sëmundjet që mund të përhapen mekanikisht nga mizat, siç është diarreja dhe përskuqja e syve, me gjasë do të përhapen në masë të madhe. /Fermaime.com 

Të fundit

  • Ekzema në gjedhe

    Ekzema është reaksion inflamator me bazë alergjike i epidermës. Ajo shoqërohet me ënjtje, kruarje, ngritje lokale të ...

  • Tuberkulozi, sëmundje ngjitëse e bagëtive

    Tuberkulozi është sëmundje infektive ngjitëse me zhvillimi kronik. Nga tuberkulozi, përveç njeriut, preken më shumë se 50 ...

  • Hemoglobinuria tek lopët qumështore

    Hemoglobinuria është sëmundje metabolike me karakter akut që prek lopët me prodhimtari të lartë qumështi. Ajo ...

  • Sëmundjet e bagëtive

    Sëmundjet e bagëtive janë të shumta, por disa janë më të rëndësishme si dhe mund të transmetohen edhe tek njerëzit në ...

Ju rekomandojmë

Gingseng mund ta shërojë dhe parandalojë gripin dhe VRS-në

Gingseng mund ta ndihmojë në trajtimin dhe parandalimin e gripit dhe virusit respirator sinkital (VRS), një virus respratorik q...

Efektet pozitive të mjaltit

Mjalti është ëmbëltuesi i parë natyral i njeriut, ndërsa ka edhe një sërë efektesh pozitive në organizmin e njeriut...

Mbështetësit

Partnerët